Ministri i Mbrojtjes, Ejup Maqedonci, priti në takim lamtumirës zëvendësdrejtorin e Ekipit Këshillues dhe Ndërlidhës të NATO-s, Paul Shawry.

Me këtë rast, ministri Maqedonci i ndau një mirënjohje si shenjë vlerësimi për mbështetjen dhe rolin e tij të jashtëzakonshëm në zhvillimin e Ministrisë së Mbrojtjes.

Ministri shprehu mirënjohjen për angazhimin e palodhur të Shawry dhe theksoi se kontributi i tij do të mbetet i vlerësuar në institucion.

“Gjatë mandatit të tij, z.Shawry demonstroi një performancë të shkëlqyer duke ofruar mbështetje profesionale dhe vizion strategjik, çka ka ndikuar në mënyrë të fuqishme në përparimin e Ministrisë”, theksoi ministri Maqedonci, i cili më pas i uroi suksese në detyrën e tij të re dhe shprehu gatishmërinë për të vazhduar bashkëpunimin e frytshëm edhe me pasuesin e tij./Arbresh.info